شرح طريقة تثبيت الويندوز بإستخدام البوت كامب Boot Camp

  • هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.
  • تم فتح قسم معرض الوسائط للاعضاء، بحيث يكون هناك بالامكان تحميل الصور و الفيديوهات المصورة من اجهزة ios، تستطيعوا الاستفادة منها عن طريق الرابط التالي: المعرض.
الحاله
مغلق

iramadah

مشرف سابق
28-08-2008
6,735
20
317
Riyadh
www.iramadah.com
مستخدم للماك منذ
2008
النظام
Snow Leopard
هل انتقلت من PC
نعم
#1
بسم الله الرحمن الرحيم


تثبيت الويندوز بإستخدام برنامج البوت كامب Boot Camp



البرنامج موجود مجاني لمستخدمين نظام الليبورد
وبالنسبه لمستخدمين التايقر يحتاج تثبيت البرنامج والبرنامج غير مجاني





معلومات مهمه :
اذا بتنزل نسخه ويندوز xp لازم تكون service pack 2 واعلى
تأكد لما تشتري نسخه الويندوز انها تكون النسخه الكاملهfull install مو التطوير upgrade
اذا بتركب ويندوز فيتسا حاول بقدر الامكان تختار النسخه المناسبه لقوه جهازك مع العلم ان كل الاصدرات تركب.




الشكل النهائي







طريقة التركيب


مسار البرنامج









ايقونه البرنامج





نشغل البرنامج


نعمل continuo





عملية التقسم


الحين هنا في شيء مهم لازم نعرفه

اذا كانت نسخه xp شركه ابل بتقولك اقل شيء لازم ٥ جيج
اذا كانت نسخه vista شركه ابل بتقولك اقل شيء لازم ١٥ جيج

ملحوظة/ اذا عملت قسم الحين صعب جدا جدا انك تقلل المساحه او تكبرها بعدين

عشان كذا لازم تختار كويس


والطريقه كالتالي

شوف نفسك انت ايش رح تشتغل في الويندوز... يعني ايش البرامج اللي بتركبها... وهل بيكون شغلك كله على الويندوز
وهل بتحط فيها ملفاتك كمان او بتكتفي بس بالبرامج ....
يعني انت بتحط صورك وافلام كمان في القسم هذا ولا بس بتخليه للبرامج


اعمل حسبتك تمام بعدين اعمل الباراتشن




مثل ماهو واضح بالصوره انه احنا نقدر نضغط على use 32GB

ونقسم البارتشن على المساحه هذه

والسبب في تحديد 32 GB نظام الملفات FAT23

من المعروف انه نظام الملفات FAT23 يعطيك صلاحيه الكتابه والقراءة
فيصير اذا نزلت الويندوز بهذا النظام تقدر لاحقا اذا كان عندك ملف في الماك تنسخه على البارتشن تبع الويندوز

اما اذا صار خيارك فوق 32GB يصير ما تقدر تنسخ على البارتشن تبع الويندوز من الماك الا عن طريق برنامج لازم تثبته ...
والبرنامج موجود في المنتدى :aa_kashra:




طيب الزر الثاني مثل ما نشوف هو عباره عن انه بيقوم يعمل بارتشن للويندوز مناصفه اذا حاب

طيب اذا انت حاب تعمل بارتشن فوق 32 جيجا واقل من النصف او اكثر من النصف الطريقه جدا سهله

كل اللي عليك تعمله انك تسحب النقطه الى اليسار والى اليمين حتى تشوف الحجم اللي يناسبك .

احفظ كم المساحه اللي عملتها للويندوز بتحتاجها بعدين


نضغط PARTITION




بعد الانتهاء نقوم نحط نسخه الويندوز بعدين نضغط START



بيعيد التشغيل


وبعدين بيدخل على السيدي تبع الويندوز


بتظهر لنا شاشه الترحيب نمشي مع الخيارات الى ان نوصل للشاشه هذه



عملية فورمات القسم



اذا كان ويندوز فيستا الطريقه تحت




هنا انتبه
انك تمسح اي بارتشن من اللي قدامك
السؤال اللي في بالك الحين انا ما عندي الا بارتشن تبع الماك والويندوز اللي عملته الحين ايش الباقي ؟؟:hmmm:

بصراحه البارتشن تبع الماك في الاساس مو واحد هو اكثر بس يكون مخفي عشان كذا انتبه تمسح اي حاجه
واذا غلطت ومسحت البارتشن تبع الماك بيضيع عليك الماك


احنا بنحدد البارتشن اللي مكتوب عليه BOOT CAMP بين قوسين

او اذا ما طلع مكتوب BOOT CAMP شوف انت كم حطيت جيجا للويندوز واعمل مقارنه سريعه بين الاقسام اللي موجوده عندك

ولا توسوس وتقول هذا C: اشلون احمل عليه وامسح الماك :aa_Doh: لانه الطريقه هنا بتختلف شوي عن الويندوز. :aa_kashra:

اضغط ENTER







هنا بنختار نظام الملفات

اذا كان مساحه البارتشن اللي عملناه اقل 32 جيج واقل يفضل نختار


format the partition using the fat file system ( quick

اذا كان الحجم اكثر نختار

format the partition using the NTFS file system ( quick

نحدد اللي نبغاه ونضغط enter



اذا كان ويندوز فيستا هذه شاشه التقسم اللي بتطلع لنا



نحدد البارتشن نضغط على Drive options (advanced)

Format

Next

طبعا هنا ما بيعطينا الخيارات زي xp لانه بيختارها تلقائي


الان بيعمل فورمات للبارتشن الجديد ويبدأ في تنزيل الملفات


ملاحظه / اذا وقف النسخ وطلع عندك في ملف ناقص ...
يعني السيدي اللي عندك مو نظيف
او
السيدي مخدش
او
في مشكله في الــ optical drive اللي هو القارئ


اذا عمل اعاده تشغيل وطلعلك شاشه سوداء “Disk Error”

بتكون عندك مشكله في السيدي لنفس الاسباب اللي قلتها فوق
او بيكون انت ما اخترت نظام الملفات الصحيح



طبب نستمر

الحين رح يستمر تنزيل الويندوز بشكل طبيعي


عملية تعريف القطع


وبس يخلص نخرج سيدي الويندوز وندخل السيدي تبع الماك اللي بيجي مع الاجهزه عشان عملية التعريف


اذا كان الماك بوك الابيض او الاسود او الماك بوك برو القديم او الايماك

حيكون اسمه

mac os x install disk 1

اذا كان من الاجهزه الجديده

mac os x install dvd


السيدي بيشتغل تلقائى

نتابع


















الحين كل شيء بيشتغل معاك تمام التمام ان شاء الله


طيب


تركيب توزيعة الكيبورد العربي


مثل محنا عارفين ان ترتيب الحروف العربيه في الماك مختلف عن الويندوز

عشان كذا في ملف نحمله عندنا في الويندوز يعطينا نفس التوزيعه تبع الماك


ويندوز xp


ويندوز vista


وطريقه تركيبها من لوحه التحكم بعدين اعدادت اللغه ،، لوحه المفاتيح ... بعدين تحدد المملكه العربيه السعوديه .. بعدين تغير اللي تحت وتخليها arabic mac


وتعمل اوكي




الان نشبك النت ونروح على ابدا بعدين APPLE SOFTWARE UPDATE
ونعمل تحديث للبرامج ... هذه مره مفيده عشان يستقر معك النظام



يبقى لنا في الاخير تحديد نظام للعمل


شوف ايش نظام التشغيل اللي بتشتغل عليه اكثر يعني

انت تقدر تخلي جهازك يشتغل على طووول على الويندوز
او
يشتغل على طول عل الماك

بعدين اذا حاب تغير بين الاثنين تشغل جهازك وتضغط على زر ALT او Option في بعض الاجهزه



طريقه التحديد من الويندوز




Boot Camp Control Panel



نحدد النظام اللي نبغاه عشان اول ما يشتغل الجهاز يروح عليه




طريقة التحديد من الماك





system preferences

startup disk



نحدد النظام اللي نبغاه عشان اول ما يشتغل الجهاز يروح عليه




واذا نبغى نختار احد من الانظمه في بدايه التشغيل




على زر ALT او Option في بعض الاجهزه




ونضغط enter



الآن طريقة مسح الويندوز او إعادة التقسم

اذا حاب تمسح نسخه الويندوز او حاب ترجع تحذف البارتشن وترجع تعمل بارتشن اكبر او اصغر.
فالطريقة جدا سهله

اولا نرجع نشغل برنامج البوت كامب وهذا هو المسار




هذه المقدمه نضغط contenua




الخيار الاول : لحذف البارتشن وبالتالي حذف الويندوز و لحذف البارتشن وعمل بارتشن من اول وجديد.
الخيار الثاني : إعادة تحميل الويندوز مره اخرى على نفس البارتشن الاول


طبعا نختار الخيار الاول.

الحين هذه بتكون الصوره النهائيه .. الماك بيصر قسم واحد وبيكون بالمساحه هذه .. طبعا المساحه تختلف من كل جهاز.

تحذير / كل البيانات الموجوده في الويندوز بيتحذف حذف نهائي.



نكتب اسم المتسخدم وكلمه المرور ان وجدت ثم ok



عملية حذف البارتشن واستعاده المساحه لبارتشن الماك



الانتهاء من العملية






النهاية


تحديث / بطبيعه الحال لما تشغل الويندوز ما بتقدر تقرأ البارتشن تبع الماك الا عن طربق برنامج ... الموضوع هذا فيه البرنامج مع طريقة التركيب


ملحوظة/
هذا الموضوع انا كتبته بالتفصيل عشان يصير مرجع للجميع ... فيه كل المعلومات اللي بنحتاجها ان شاء الله
[/CENTER]



افضل انه تقرأ الموضوع مع الردود بالكامل عشان تأخذ فكره اكبر


تم رفع الصور على الموقع


تحياتي
ابراهيم
 

المرفقات

Ali.OS

عضو نشط
30-01-2008
61
0
0
AlAhsa-Saudi Arabia
www.apple.com
مستخدم للماك منذ
2008
النظام
Snow Leopard
هل انتقلت من PC
نعم
#2
شرح ممتاز يا غالي, الله يوفقك...
 

badr ali

عضوية ذهبية
26-07-2008
609
0
317
مكة المكرمة
مستخدم للماك منذ
2008
النظام
Snow Leopard
هل انتقلت من PC
نعم
#3
جزاك الله ألف خير يا أستاذ فكيت أزمة كبيره لنا ،،، شرح وافي ومن الألف إلى الياء يستحق التثبيت وبجداره ....


مثل ماهو واضح بالصوره انه احنا نقدر نضغط على use 32GB

ونقسم البارتشن على المساحه هذه

والسبب في تحديد 32 GB نظام الملفات FAT23

من المعروف انه نظام الملفات FAT23 يعطيك صلاحيه الكتابه والقراءة
فيصير اذا نزلت الويندوز بهذا النظام تقدر لاحقا اذا كان عندك ملف في الماك تنسخه على البارتشن تبع الويندوز

اما اذا صار خيارك فوق 32GB يصير ما تقدر تنسخ على البارتشن تبع الويندوز من الماك الا عن طريق برنامج لازم تثبته ...
والبرنامج موجود في المنتدى
يعني أنت تنصحنا أن تقسم البارتشين إلى 32 GB ؟؟؟


اذا كان مساحه البارتشن اللي عملناه اقل 32 جيج واقل يفضل نختار


format the partition using the fat file system ( quick
طيب إذا كانت 32 GB ؟؟؟؟



شكرا جدا على جهدك الرائع،، الله يعطيك العافية:thanku:
 

iramadah

مشرف سابق
28-08-2008
6,735
20
317
Riyadh
www.iramadah.com
مستخدم للماك منذ
2008
النظام
Snow Leopard
هل انتقلت من PC
نعم
#4
شرح ممتاز يا غالي, الله يوفقك...
شاكر مرورك عزيزي


استاذ بدر

بصراحه مو انا اللي انصح ابل بتنصح انه تخلي حجم البارتشن 32 جيج لسبب واحد عشان تقدر تعمل نسخ من بارتشن الماك الى بارتشن الويندوز

لانه نـظام الFAT32 يدعم القراءه والكتابه


اما اذا صار حجم البارتشن اكثر من كذا حتضظر انك تعمل الفورمات على نظام الملفات NTFS واللي الماك يدعم القراءه منه بس ما تقدر تنسخ عليها
الا بواسطه برامج مثل PARAGON


في النهايه الامور كلها محلوله انا بس حبيت اوضح الفكره





تحياتي
ابراهيم
 

BlaaacK

عضوية ذهبية
28-08-2008
269
0
0
الرياض
مستخدم للماك منذ
1985
هل انتقلت من PC
نعم
#5
شكراً
الف شكر لك
 

أبوعامر

عضوية فضية
07-11-2008
98
1
6
Al hasa
www.FaceBook.com
مستخدم للماك منذ
2008
النظام
Leopard
هل انتقلت من PC
نعم
#6
مرحبا عزيزي آي ستايل ..

بارك لي ركبت الوندوز ..على الماك ..

بس واجهت مشاكل .. كيف اعمل كلك يمين في نظام الاكس بي ؟
وما عرفت كيف اركب الملف اللي يخلي النظام الاكس بي يتوافق مع الكييبورد ...

حاليا فقط هذه المشاكل ..وشكرا ..
 

rodi

عضو
09-09-2007
21
0
0
مستخدم للماك منذ
2009
النظام
Windows XP
هل انتقلت من PC
لا
#7
مشكور اخوي...ويعطيك العافيه

طيب سؤال لوكان الويندوز copy (غير اصلي) ...هل استخدم نفس الطريقه ؟؟
ولو كان الويندوز مقسم عل 2CDs (سيديين)... عادي ولا بيصير مشاكل ؟؟

ومشكور مره ثانيه
 

أبوعامر

عضوية فضية
07-11-2008
98
1
6
Al hasa
www.FaceBook.com
مستخدم للماك منذ
2008
النظام
Leopard
هل انتقلت من PC
نعم
#8
مشكووووور اخوي خلاص حليت المشاكل ..

بس ابغى اعرف كيف اقدر اعمل كلك بالتراك باد .. اللي في اللابتوب بمجرد اللمس

يعني بدون الضغط على الزر اللي بالأسفل :aa_kashra: ..
 

iramadah

مشرف سابق
28-08-2008
6,735
20
317
Riyadh
www.iramadah.com
مستخدم للماك منذ
2008
النظام
Snow Leopard
هل انتقلت من PC
نعم
#9
انا اسف جدا يا شباب جدا مشغول برد عليكم في الليل ان شاء الله


ابو عامر بالنسبه للكلك لازم تضغط على الترك باد على حسب ما اذكر


يا ليت تقلي ايش هو جهازك
 

rodi

عضو
09-09-2007
21
0
0
مستخدم للماك منذ
2009
النظام
Windows XP
هل انتقلت من PC
لا
#10
ولاتنسى ترد علي ... ضروري
 

iramadah

مشرف سابق
28-08-2008
6,735
20
317
Riyadh
www.iramadah.com
مستخدم للماك منذ
2008
النظام
Snow Leopard
هل انتقلت من PC
نعم
#11
مشكور اخوي...ويعطيك العافيه

طيب سؤال لوكان الويندوز copy (غير اصلي) ...هل استخدم نفس الطريقه ؟؟
ولو كان الويندوز مقسم عل 2CDs (سيديين)... عادي ولا بيصير مشاكل ؟؟

ومشكور مره ثانيه
الله يعافيك عزيزي

❊ انت تقدر تستخدم الكوبي او الاصلي ،،، بس الاصلي افضل لك عشان تقدر تعمل ابديت لنظام الويندوز
❊ كمان لو كان الويندوز مقسم على ٢ تقدر تحمله.



بس ابغى اعرف كيف اقدر اعمل كلك بالتراك باد .. اللي في اللابتوب بمجرد اللمس

يعني بدون الضغط على الزر اللي بالأسفل ..
حبيبي ابو عامر
عندك الترك باد في الويندوز ما بتعطيك كامل مميزاتها مثل الماك ...
وعشان تضغط كلك يمين بالنسبه لاجهزه القديمه لازم تلمس الترك باد بإصبعين وتضغط على الكلك

اما الاجهزه الجديد تضغط على الترك باد بثلاثه اصابع.





تحياتي
ابراهيم
 

أبوعامر

عضوية فضية
07-11-2008
98
1
6
Al hasa
www.FaceBook.com
مستخدم للماك منذ
2008
النظام
Leopard
هل انتقلت من PC
نعم
#12
بس ما يصير اكيد فيه سوفتوير منا والا منا يضبط الجهاز ..

اشكر لك تفاعلك اخي ستايل ماقصرت والله شكراً لك ..

آخر سؤال الحين ملفاتي اللي في نظام الماكنتوش(اللي في الهاردسك اللي فيهنظام الماكنتوش)

كيف اقدر ادخل عليها واستعملها فيه طزيقة والا لا؟؟
 

rodi

عضو
09-09-2007
21
0
0
مستخدم للماك منذ
2009
النظام
Windows XP
هل انتقلت من PC
لا
#13
مشكور ... ويعطيك الف عافيه
 
O

omar

Guest
#14
مشكور اخوي على هذا الموضوع الي حل لنا مشاكل كثيرة انا اولهم.. مشيت على هذه الخطوات ونجح التثبيت وكل شيء تمام.

بس عندي ملاحظة على الصور.. خايف يجي يوم وتختفي لانها مش في المنتدى هنا.. يعني رابط خارجي.. لش ما تحطها اخوي في الالبوم.. البوم الصور وتحطها رابطها هنا.. هيك نظم بقائها في الموضوع.. ولا حرام تروح هذه الصور.

اخوك/عمر
 

iramadah

مشرف سابق
28-08-2008
6,735
20
317
Riyadh
www.iramadah.com
مستخدم للماك منذ
2008
النظام
Snow Leopard
هل انتقلت من PC
نعم
#15
بس ما يصير اكيد فيه سوفتوير منا والا منا يضبط الجهاز ..

اشكر لك تفاعلك اخي ستايل ماقصرت والله شكراً لك ..

آخر سؤال الحين ملفاتي اللي في نظام الماكنتوش(اللي في الهاردسك اللي فيهنظام الماكنتوش)

كيف اقدر ادخل عليها واستعملها فيه طزيقة والا لا؟؟

اذا كان قصدك من داخل الماك وتبغى تنقل ملف الى الويندوز تقدر اذا كان نظام الملفات 32FAT
اما اذا كان ntfs في عندك برامج هنا في المنتدى .

اما من داخل الويندوز الى الماك ... فلازم برنامج بس ما جربته ,,, مو مجاني وهذا هو البرنامج



مشكور اخوي على هذا الموضوع الي حل لنا مشاكل كثيرة انا اولهم.. مشيت على هذه الخطوات ونجح التثبيت وكل شيء تمام.

بس عندي ملحوظة على الصور.. خايف يجي يوم وتختفي لانها مش في المنتدى هنا.. يعني رابط خارجي.. لش ما تحطها اخوي في الالبوم.. البوم الصور وتحطها رابطها هنا.. هيك نظم بقائها في الموضوع.. ولا حرام تروح هذه الصور.

اخوك/عمر
ابغى احط لك فيس يوصلك معلومه ... بعيوني الثنتين بس ما لقيت



عشان كذا ابشر بعزك وبعيوني الثنتين





تحياتي
ابراهيم
 

أبوعامر

عضوية فضية
07-11-2008
98
1
6
Al hasa
www.FaceBook.com
مستخدم للماك منذ
2008
النظام
Leopard
هل انتقلت من PC
نعم
#16
لا انا ابي البرنامج اللي يخليني استخدم الملفات اللي في نظام ماكنتوش علي الفيستا ..

دوت بالمنتدى ولا لقيت برامج ..
 

فاضي

عضو نشط
10-03-2008
50
0
0
السعودية-الأحساء
مستخدم للماك منذ
2008
هل انتقلت من PC
نعم
#17
اشكرك اخوي على هذا الشرح الوافي.

بس انا عندي مشكله من زمان اذا ابغى اركب الـ XP

بعد ما يعمل فورمات للهاردسك وينسخ الملفات ويعيد التشغيل

تطلع لي رسالة خطأ مضمونها ان فيه ملف ناقص جربت اكثر

من نسخة ولا نفع وعملت اكثر من حيله ولا فيه فايدة مع العلم

ان كل النسخ مش اصليه. انا لمن شريته من جرير قال لي الفلبيني

ان الجهاز ما راح يركب إلا النظام الاصلي فهل هذا صحيح

انا طبعًا نصبت الفيستا وشغال احسن من الـ PC

إن شاء الله عندكم حل.

وشكرًا
 

iramadah

مشرف سابق
28-08-2008
6,735
20
317
Riyadh
www.iramadah.com
مستخدم للماك منذ
2008
النظام
Snow Leopard
هل انتقلت من PC
نعم
#18
ابو عامر انا اعطيتك الرابط فوق

وهذا هو مره ثانيه

اشكرك اخوي على هذا الشرح الوافي.

بس انا عندي مشكله من زمان اذا ابغى اركب الـ XP

بعد ما يعمل فورمات للهاردسك وينسخ الملفات ويعيد التشغيل

تطلع لي رسالة خطأ مضمونها ان فيه ملف ناقص جربت اكثر

من نسخة ولا نفع وعملت اكثر من حيله ولا فيه فايدة مع العلم

ان كل النسخ مش اصليه. انا لمن شريته من جرير قال لي الفلبيني

ان الجهاز ما راح يركب إلا النظام الاصلي فهل هذا صحيح

انا طبعًا نصبت الفيستا وشغال احسن من الـ PC

إن شاء الله عندكم حل.

وشكرًا

شوف اقولك اياها يصراحه انا دائما لما كانت تصير معي زي كدا بس مع الكوبي


اما الاصلي عمري ما واجهت فيه مشاكل ...


انا ما اقولك ان الكوبي ما يركب بس الاصلي ما في احسن منه.
 

فاضي

عضو نشط
10-03-2008
50
0
0
السعودية-الأحساء
مستخدم للماك منذ
2008
هل انتقلت من PC
نعم
#19
مشكور ما قصرت

إن شاء الله نلقى لها حل
 

rodi

عضو
09-09-2007
21
0
0
مستخدم للماك منذ
2009
النظام
Windows XP
هل انتقلت من PC
لا
#20
ابشرك اخوي ابراهيم
ركبت الويندوز وكل شي تمام لحد الان
لكن فيه شي غريييييييب انه ما طلب مني السيريال واشتغل عادي
فهل الموضوع فيه غلط ولا شي
 
الحاله
مغلق