1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.
  2. تم فتح قسم معرض الوسائط للاعضاء، بحيث يكون هناك بالامكان تحميل الصور و الفيديوهات المصورة من اجهزة ios، تستطيعوا الاستفادة منها عن طريق الرابط التالي: المعرض.

هل تريد من شركة Apple ان تعرّب واجهة النظام؟

الموضوع في 'الأخبار والنقاشات' بواسطة Allam, بتاريخ ‏30-09-2009.

?
  1. نعم، أريد تعريب الواجهة.

    57.3%
  2. لا، لا أريد تعريب الواجهة.

    39.0%
  3. لا أعلم هل سأحتاج تعريب الواجهة أم لا؟

    3.7%
  1. السلام عليكم ورحمة الله وبركاته

    كيف حالكم...... جايبلكم فكرة استطلاع مفيدة وما ادري الصراحة اذا كان هذا الاستطلاع موجود من قبل في المنتدى ولا لا.. فاذا كان موجود ارجو من الادارة ان تدمج الموضوعين وآسف عالازعاج


    عذراً اذا في تقصير في كلامي ولكن اريد ان ابدي رأيي...

    انا من وجهة نظري شايف انه ماله داعي التعريب ((صراحة)) لانه النظام فيه كتابة عربي وفيه دعم للغة العربية جبار جداً وممتاز وانا الصراحة شايف انه الماك افضل نظام داعم للعربية ((وللغات كلها عامة))
    فانا اشوف انه مافي داعي للتعريب.... ترى يا جماعة انا احب اللغة الانجليزية جداً واحب امارسها في كل مكان ونفسي كل الناس تتعلم الانجليزية
    ما اقصد الاهانة للغة العربية لا والله......اللغة العربية هي لغتنا ولغة القرآن الكريم.

    لكن ايضاً اللغة الانجليزية اهم من العربية في اعمال الحياة... صح ولا لأ

    بالله عليكم يا جماعة بأمانة كلامي صح ولا لأ؟
    انا ليش قلت الكلام هذا؟عشان في ناس تقوللك (يا شيخ بلا انجليزي بلاهم احنا يادوب نفهم للعربي)وهذا كلام خطأ جداً ولأن اللغة الانجليزية راح تفيدك في مستقبلك (الدنيوي) اكثر من العربية

    عالعموم يظهر اني انفعلت شوي ومعليش اذا غلطت في حق احد وخلينا نكمل الاستطلاع

    ها وايش رأيكم تبغو شركة Apple تعرّب نظام ماكنتوش كاملاً ولا لأ؟

    يلا نشوف...
     
  2. اخوي انا بقولك وجهة نظري ،،
    انا ابي الجهاز يتعرب اول شي عشان نحس انهم مهتمين فينا احنا العرب ،، وثاني شي الحين كل من شاف الماك انجليزي ومافيه واجهة عربية راح يقول مااقدر اتعلم عليه على طول خاصة الي مايعرفون انجليزي فهذولي وش ذنبهم انهم مايعرفون انجليزي وينحرمون من اروع الاجهزة والانظمة فلازم يكون النظام عربي بالكامل عشان تنتشر اجهزة الماك عند العرب وبكذا راح تتوفر البرامج الي تعدم العربي مثل الوندوز وايضا الدعم الفني راح يكون افضل وهكذا إلى ان يكون هناك فرع لابل في السعودية ^ـ^ وبتكون اسعارنا مثل اسعار امريكا وبنرتاح فشفت كيف فايدة التعريب ..

    ملحوظة :: انا من ايام الوندوز استخدم الواجهة الانجليزية فماتفرق عندي لكن ابيهم يعربون النظام للاسباب السابقة وغيرها الي ماجات على بالي الحين

    ولاتنسى احنا نبي العالم تتعلم لغتنا وننشرها فلازم يكون عندك شوية غيره على لغتك ولالا ^ـ^

    ومشكور على الموضوع وجزاك الله خير

    تحياتي لك
     
  3. وعليكم السلام ورحمة الله وبركاته ,,

    اشكرك اخي على طرح هذا الموضوع وبقول رأيي بكل صراحه

    انا من يوم ماعرفت الاجهزه وانا من المستحيل احمل عليه ويندوز عربي !! ولعدة اسباب

    اول سبب اشوفه ان المصطلحات في بعض الاحيان تكون صعب على الشخص فهمها داخل النظام فيكون اسهل لي اني انزل النظام باللغه الانجليزيه

    ثاني سبب انا الجأ لكثير من المواقع الاجنبيه في حل مشكلتي او المساعده في حل مشاكل بعض الاخوه فسيصعب علي ترجمه المصلحات الخ ...

    ثالث سبب زي ماتفضلت وقلت اننا نحتاج الانجليزي نعم صحيح وبصراحه انا ما انكر ان هالشي فادني حتى في لغتي .. ولو كان شي قليل .. بس يذكر .


    احب اضيف بعد ان فيه اشخاص غير يريدون اجهزتهم باللغه العربيه ولهم اسبابهم الخاصه وقد تكون منها انهم لايفقهون بالانجليزي .

    بس تخيل معي لو ان ماكنتوش نزلت نظام باللغة العربية مانقدر ننكر ان ثقة العميل بالشركة بتكبر وهذا اكيد بيكون شي ايجابي وليس له سلبيات لكن الاختلاف في الاراء قد يكون في الاختيار اما لغه عربيه ام انجليزيه


    تحياتي :)
     
  4. لا والف لا ما في فايده من التعريب...شوف ابل اذكياء ليش حطو صيني في السنو؟ لانهم عارفين انو الصيني حينتشر بقوه السنين الجايه
    اما العربي يادوبك حطو لوحة مفاتيح عربي وبس
     
  5. أنا ما أستخدم ماك لكن بأقول رايي

    ابي التعريب على الأقل هذي لغتي أنا....يعني أغلب دول العالم يستخدمون لغتهم لأنهم ما يعرفون إنجليزي؟

    الواحد يخلي عنده هوية تميزه عن غيره...كذا أحلى

    بصراحة الي يحط انجليزي بس لأنه إنجليزي من دون أي فائدة ترجى منها آسف لكن ما أدري كيف يفكر :hesitant:
     
  6. انا ابي التعرب ماهو من شاني انا اعرف ناس كثير ماتعرف انجليزي واللغه بالنسبه لهم حاجز كبير يعني ماهو من شان انا وانت نعرف انجليزي خلاص مانبي

    انجليزي , كمان من حقي كمستخدم وجود لغتي فيها حتى لو كنت مااستخدمها .
     
  7. ماله اي داعي ابد !!
    يكفي انه يقرا ويكتب عربي ..
     
  8. السلام عليكم ورحمة الله وبركاته

    أعتقد انه هالموضوع مهم جدا مو من ناحية التعريب بس ولكن من ناحية اهتمامنا بلغتنا العربية..
    بالنسبة للتعريب فأنا بصراحة ما تفرق معاي لأنه في الحالتين ما بتضرر بخلاف البعض اللي مالهم ذنب في عدم المامهم الكامل بالانجليزية، لكن بالنسبة للغة العربية اللي احنا نتحجى بيها (تقريبا) واللي دايما مظلومة معانا..
    يعني مثلا لو سألت سؤال: (ليش اللغة الانجليزية صارت شائعة أكثر في عالمنا العربي لدرجة اننا تخلينا عن لغتنا ووضعنا فيها مصطلحات انجليزية دخيلة تمحيها تقريبا كتراث من أذهاننا؟)
    وممكن تكون الاجابة: بسبب عصرنا الحالي المتطور والعولمة ووو...إلخ

    بس لو فكرنا بعد جم سنة من الحين لوين مصيرها لغتنا واحنا قاعدين نتجاهلها ونمنعها من التغلغل حتى في حياتنا الالكترونية العصرية..
    لو فكرنا لمتى راح يجهل أغلبية شبابنا اعراب المبتدأ والخبر والفعل والفاعل اللي اهمه أبسط شي... لمتى راح تكون اللغة العربية هيه عقدتنا في المدرسة ولمتى بنجوف اللي يتحجى بلغتنا الأصلية اللي ننسب نحن اليها كعرب على انه جاهل ومو (ستايل) وعايش في الجاهلية ويحسب نفسه طرفة بن العبد..
    أنا عن نفسي أشجع التعريب لسبب واحد وبس.. انه الغرب لازم يحسون بقيمة لغتنا وبقيمتنا احنا نفس ما حسوها المسلمين حديثا اللي ما يعرفون عربي..

    وانا بصراحة أوافقك في نقطة مهمة واهي أهمية اللغة الانجليزية لنا كحياة يومية... بس ليش انا ماتعلم هاللغة وفنفس الوقت أحافظ على احترام الغير للغتي الجميلة؟ ليش ما أوصل لهم لغتي عن طريق لغتهم بدل ما أحاول أصير نفسهم ويكون كل هدفي اني اتطبع بطبايعهم..
    أنا مع ان أبل غير مجبرة انها تعرب الماك أو أي من منتجاتها لأنه المستخدمين العرب قليلين... بس احنا فنفس الوقت ما نرفض فكرة التعريب نهائيا لأنه أبل قد تكون مجبرة في يوم من الأيام انها تعرب الماك ومنتجاتها بسبب كثرة المستخدمين العرب ونكون احنا فنفس الوقت مو مهتمين بالتعريب لأننا صرنا نكره لغتنا ونستحي منها...

    في النهاية الموضوع يتوقف على أي قد احنا نحب لغتنا ونضع أهداف لتقويتها والمحافظة عليها وما اعتقد انه التعريب الحين مهم بقد محنا محتاجين لتوسيع قاعدة المستخدمين العرب حاليا...

    مشكور أخوي عالموضوع الرائع والمهم....
    تحياتي iSalsabeel​
     
  9. طيب أنا الآن اخدت المختصر من كلامكم

    اغلبكم قال انه التعريب ما يهمه لكن يريد التعريب لأن التعريب راح يزود من مستخدمي الماك في العالم العربي <<< انا معاكم مية لمية وماقلت شي
    بس يا شباب ترى انا مني قاعد اتكلم عن شركة Apple انها تهتم بالعرب..... مين قال انها مهي مهتمة بالعرب؟؟؟ بالعكس... الشركة الأمريكية هذه مقدمة احسن دعم للغة العربية ((( وفي النظام اللي مهو معرب ))) صح ولا انا غلطان؟؟؟
    واذا عرّبت النظام راح تشوف لغة عربية وكأن اللي عمل النظام انسان عربي ((( توقعاتي ومن وجهة نظري )))
    بس يا جماعة انا مني قاعد اتكلم عن هذه النقطة... انا قصدي اللغة الانجليزية عامةً... ترى يا جماعة والله مهمة... مهمة واجد

    الأخ sz4design : صحيح انه في ناس اول ما تعرف انه الماك مافيه عربي يقوللك ( لا خلاص بطلت اشتري ) وحتى لو كان ما يفقه في الانجليزي الا yes no ..طيب يا اخي ليش ما تتعلم؟؟؟ مو لازم تتعلم.. اتعود عاللغة هذه عالاقل. وبالنسبة للغيرة على لغتي فانا طبعاً عندي غيرة ولكن هل من مجيب؟؟؟
    العفو اخوي ومشكورين عالمرور

    ashyn1 : العفو اخوي .... الاسباب اللي ذكرتها مقنعة جداً وصحيحة
    حتى لو ما كانوا يفقهوا في الانجليزي..... لازم يتعودوا عليه صح ولا لأ ؟؟؟ وصحيح ان لو في تعريب راح تزداد ثقة العميل بالماكنتوش واختلاف الآراء في اختيار اللغة...
    وانا عن نفسي راح اختار الانجليزية (( لانها الاهم في عصرنا الحالي )) ومشكور عالمرور.
     
  10. hi_am_a_ : والله كلامك صحيح.... اللغة الصينية في الـSnow Leopard روعة الصراحة الله يهني الصينيين بالماك
    وانا معاك مية لمية (( مافي فايدة من التعريب )) <<<<< اعيد واكرر : ما بتكلم عن اهتمام شركة Apple بالعرب ابداً بل باتكلم عن اهمية اللغة الانجليزية
    وعلى قولك ( لوحة المفاتيح كفووا ووفوا )شكراً عالمرور اخوي

    M.A.LM : والله ما ادري ايش اقوللك بس يعني انت حاسس انه اللغة الانجليزية مالها داعي ؟؟؟
    شكراً عالمرور اخوي
     
  11. توتي الاتي : برضه كلامك صحيح...راح يزداد عدد المستخدمين في العالم العربي اذا دُعم الماك بالعربية اكيد
    شكراً عالمشاركة

    FassoL : هذا اللي انا قلته
    يكفيه الماك بالدعم هذا للغة العربية .... تخيل معي : افضل نظام داعم للغة العربية وهو مافيه عربي
    هذا يدل على انه افضل نظام على الاطلاق.... شكراً عالمشاركة :)
     
  12. هلا اختي
    صحيح انا حاسس اني فتحت موضوع جداً مهم ( يستحق التثبيت ) << شايف نفسي معليش :cool:

    ولا انا ما تفرق معايا ...... وصحيح السؤال والاجابة اللي ذكرتيها الله يحفظك
    الآن الامريكان والغرب بشكل عام مسيطرين مو بس عالعالم العربي..... بل مسيطرين عالعالم كله وحتى اوروبا... في لغتهم اولاً... بعدين التكنولوجيا لديهم.... والتطور الهائل
    فكيف تريدين ان يكون للغة العربية شهرة في العالم كله ونحن ننظر اليهم في اماكننا ؟؟؟؟؟
    ليش ما نقدر نعمل ( نحن العرب ) شركة كبيرة مثل شركة Apple وممكن اكبر؟؟؟ هل هم افضل منا؟؟ لا والله مهم افضل منا ونحن بامكاننا ان نعمل اشياء اكبر من تكنولوجيتهم بكثير... لكن الى الآن نائمين
    ليش ما نطور بلادنا ونوريهم انه احنا مش غافلين؟؟؟ليش نقعد نقول ( ياعمي الغرب متوفر عندهم كل شي وبيرسلولنا فبذلك احنا ما نحتاج نعمل شي )
    بعد هذا الكلام .... كيف تريدين للغة العربية ان تنتشر بين العالم؟؟

    وبالنسبة لقولك : ((( بس ليش انا ماتعلم هاللغة وفنفس الوقت أحافظ على احترام الغير للغتي الجميلة؟ ))) << نحاول نعمل كدا،،،، ولكن لا حياة لمن تنادي
    ونقدر نوصلهم لغتنا ونخليهم غصباً عنهم يتكلموا عربي زي ما احنا الآن غصباً عننا بنتعلم ونمارس لغتهم .....بس كيف؟؟؟ الكلام اللي ذكرته فوق^^^
    في الحقيقة لا نكره لغتنا... ولا نستحي منها... ولكن لماذا كل هذا يحدث؟؟؟ بسبب عدم اهتمامنا بالتطور ((( اعذروني انا عارف انه كلام ثقيل علينا بس ايش نسوي؟؟ )))
    العفو اختي وشكراً عالمشاركة
     
  13. أنا اعرف شخص باحد المنتديات لغتهــ ضعيفه لدرجه إنه مايفرق بين s و c
    بس ماشاءالله له مواااضيع مثبته عن الماك في احد المنتديات
    ويسوي شروح لسبب ان الماك واجهته والتعامل معاه لايحتاج انك تتقن اللغه الانجليزيه
     
  14. هذا اكبر دليل على انه مافي داعي لتعريب النظام

    مشكور اخوي على مرورك
     
  15. لآلآ اخي ماله دآعي وانا الله يشهد اني صوت من غير ما اشوف ورأيي طلع هو رأي الاغلبيه ^^"
     
  16. ايش قصدك؟؟\

    مافهمت عليك
     
  17. اخي يعني ماله داعي .. " التعريب "

    والحقل اللي مكتوب فيه التصويت انا مصوت بس من غير ما اشوف كم عدد الذين صوتوآ والله يشهد علي ^^"

    ولما صوت شفت ان رأيي من رأي الاغلبيه ^^"
     
  18. اهااا فهمت عليك هههههههه

    مشكور اخوي عالمرور
     
  19. مرحباً،

    نعم نريد تعريب واجهة النظام.. والحقيقة نطالب ابل باعادة الوجهة العربية التي كانت موجودة زائد كافة تعليمات استخدام النظام.

    اما من لا يريد استخدام الواجهة العربية فهذا اختيار شخصي.. لا يجب ان يسقط حقنا وحق لغتنا العربية في ان تكون لنا واجهة عربية لهذا النظام مثلنا مثل باقي الأمم.

    هل تعلومن ان فرنسا تمنع استخدام المفردات الير فرنسية في ابسط الأمور وعلى رأسها النت.

    علينا ان نفرق بين الحاجة الى الواجهة العربية وعدم استخدامها من البعض منا هذا نقرة وهذه نقرة.


    فعلاً استغرب ان يكون هناك مع الاحترام للجميع من صوت بلا. من المفروض الا يكون هناك خلاف حول هذا الأمر.


    ارجو من الجميع الانتباه الى ان النظام معرب ولكن الواجهة غير معربة.

    والسلام
     
  20. إطلاقاً ما أقصد هذا يا غالي...الإنجليزية هي اللغة العالمية الأن وأكون غبي لو هذا قصدي

    الذي أرمي إليه هو مسألة الحفاظ على العربية،بمعنى أنا عربي ولا أحتاج لواجهة إنجليزية (سواءً تعليم أو أي احتياج آخر) فما فيه أي داعي بأني أروح أستخدم واجهة إنجليزية بسبب أنها إنجليزية فحسب

    مثل ما قال الأخ الي قبلي قارن بيننا وبين فرنسا في مسألة الحفاظ على الثقافة...يا شيخ هذولا راحوا ينتجون 40 فلم بمليارين لأجل مواجهة الأفلام الأمريكية ونجح 2 بس (ولا أدري وش صار بعدها صراحة :embarresment:)

    لازم نتميز بثقافتنا...اليابانيين في عصر ميجي أخترعوا أكثر مفرداتهم الحالية (جامعة،مصنع،متوسطة،ثانوية) عشان يحافظون على ثقافتهم ولا راحوا يستوردون من برى (طبعاً أنا أتكلم عن شيء له أكثر من 100 سنة ولا أقصد اليابان الأن)

    أتوقع فيه واحد الحين يقول هذا وين طاير...لكن الموضوع له صلة من بعيد او من قريب له صلة

    فاهمني؟
     

مشاركة هذه الصفحة

جاري تحميل الصفحة...
جاري تحميل الصفحة...