1. هذا الموقع يستخدم ملفات تعريف الارتباط (الكوكيز ). من خلال الاستمرار في استخدام هذا الموقع، فإنك توافق على استخدامنا لملفات تعريف الارتباط. تعرف على المزيد.
  2. تم فتح قسم معرض الوسائط للاعضاء، بحيث يكون هناك بالامكان تحميل الصور و الفيديوهات المصورة من اجهزة ios، تستطيعوا الاستفادة منها عن طريق الرابط التالي: المعرض.

اسرار و حركات و برامج للآيبود و الآيفون الجزء 2

الموضوع في 'الدعم الفني لـ iOS, tvOS, watchOS' بواسطة Co0o0ol2Rule, بتاريخ ‏13-06-2008.

  1. السلام عليكم و رحمة الله و بركاته


    استكمالا للجزء الاول من اسرار و حركتات و برامج للآيبود و للآيفون و كما وعدتكم
    (( http://www.macarabia.net/showthread.php?t=8472 ))
    هذا هو الجزء الثاني من اسرار و حركتات و برامج للآيبود و الآيفون

    و ما سوف يحتويه هذا الموضوع هو :
    طريقتين تخلي الآيبود تتش يصير آي فون > > لاكن مو زي مميزات الآيفون
    شرح لبعض البرامج
    TuneWiki
    ScreenShot
    Sketches
    حركتات جديده للآيبود و الآيفون
    (( كيفية فتح مقطع يوتيوب من السفاري في موضوع ))
    (( الآن حمل اي مقطع فيديو او صوت من سفاري و تفرج عليه من الآيبود MyMedia))
    اضافة الثيمات من آيفون بي سي سوت (( شرح البرنامج ))


    > > انت باقي تسوي مقدمات ادخل بالموضوع
    < < انت اسكت الموضوع الي فات طلع ملخبط بسببك

    ما عليكم اكلمني D:

    خلنا نبدا عشان ذا الي ناشبلي من قبل امس وهو يستعجلني خخخ

    قبل ما أبدأ احب اشكر الاخ الاحمد ( Ala7mad) على تشجيعه لي المستمر من اول ما حطيت موضوعي الى الآن ^^
    و الاخت هعات لأنها تفاعلت معي و تنتظر موضوعي و شروحاتي

    > > لحظة صمت
    < < وش تقول انت !! داخل عزى خخخ


    نبدا على بركة الله ^^
    اولا حسب جدول اعمالي خخخ اقصد المنهج الدراسي يؤيؤ > > ما طاع يجيبها صح خخخ
    اقصد الي انا كاتبه فوق .. يقول لك اني ببدأ بكيف تخلي الآيبود تتش يصير آيفون

    و طبعا فيه طريقتين .. و الطريقتين بتدفع فيهم خخخ


    الطريقة الاولى و الي انا استخدمها و هي السهله جدا
    يوم كنت ببريطانيا بصيف 2007 .. كان معي آيبود نانو و يوم خلاص راجع للسعوديه .. كان هناك بمطار هيثرو فيه سوق كبييير خخخ
    المهم ,, و انا افتل بالسوق لقيت قطعه للآيبود حلوه .. و هي سماعات بلوتوث !
    ايه لا تستغرب ... بس هي مو سماعات يعني زي حقت الجوال .. لا هذي السماعات العاديه حقت الآيبود .. و فيها قطعه مو صله بين الآيبود و السماعات
    هذي القطعه هي قطعة البلوتوث و برضو المايكروفون > > اقول وراك ما تورينا صوره !!
    ايه صح ^^"

    [​IMG]


    و يوم جبت الآيبود تتش .. قلت يا ولد جرب وش تخسر !!
    المهم .. انا قبل ما اجيب الآيبود كانت عندي القطعه و ما استخدمها كثير .. و كل يوم اشوفها
    يوم جيب ابيها ما لقيتها >< ادور يمين يسار هنا هنا !! مافي
    و انا متأكد كل يوم اشوفها بدرجي ,, المهم لقيت السلك خخخ .. قلت وش فايدته بدون القطعه المهم تركت أمر البحث لليوم الثاني D:

    اليوم الي بعدها لقيتها يووووووي .. و جيت ادور السلك ما لقيته >< قلت وش فايدة القطعه بدون السلك خخخ لين تذكرت وين حطيت السلك و تم الامر
    جيت اجرب اللا و اشتغل يتصل و يستقبل !! > > ترا كنت شابك البلوتوث بجوالي ..

    يعني كنت اتكلم من سماعات البلوتوث ,, طيب وش الفايده ؟ الفايده انه انت يوم تضلك حاط السماعات باذنك ما بتسمع الجوال > > خاصة لو كانت عازله للصوت
    زي حقتي خخخ و لا تحس بشي .. المهم يوم يدق جوالك تفصل الاغاني و تسمع الجوال يدق .. طبعا ترد من القطعه تضغط و ترد بدون ما تضطر تشيل السماعات
    و تطلع الجوال و تحط ستوب و مدري وشو
    > > يا كثر هرجك خخخ

    طيب يابو من فين اجيب هذي القطعه ؟
    تلاقيها يا حلو او حلوه خخخ في موقعهم على الانترنت
    http://www.gear4blueye.com/uk/index.php
    تشتريها و تلاقي اماكن بيعها ..
    هذي الطريقة الاولى ,,,

    الآن الطريقة الثانيه و الصعبه .. و الي صراحه ما عجبتني و مدري اذا بتشتغل عندنا بالسعوديه و للا لا .. لاكني بتطرق بشرح لها مختصر جدا و اعطيكم الموقع
    تقروه للي يبي هذي الطريقة ..
    المهم
    مختصر هذي الطريقة انك ما تحتاج لا شريحة و لا شي .. بس قطعه صعنونه الظاهر انها مايكروفون .. تقدر تشتريها من هنا
    http://home.swipnet.se/ridax/touchmic.htm
    هذي الطريقة وش هي ؟

    هذي يابو الشباب تستخدم خاصية الـ SIP-VoIP ليومكم هذا و انا ما ادري وش معنى ذا بس حسب ما فهمت خخ انه برنامج يشتغل على النت > > يعني لازم تشبك
    على الوايرلس < < المهم .. من ذا البرنامج تقدر تكلم الي عندك بالسكايب و مدري وين كمان ..
    وفيه برنامج ثاني يشتغل بس في امريكا ... تتصل على اي جوال تبيه
    الحين هذي الطريقة ترسل مكالمات .. بس ما تستقبل .. يقال انه في موقع يديك رقم تصير تستقبل عليه كمان
    طبعا انا ما عجبتني مره هذي الطريقة > >اصلا ما دخلت عقلي ^^"

    المهم هذا الموقع الي لقيت فيه هذي الطريقة
    http://lifehacker.com/378511/turn-your-ipod-touch-into-an-iphone
    طبعا الي يبي اي مساعده و الي عجبته الطريقة انا موجود يسألني و بساعده قدر الامكان
    و بكذا اكون خلصت المنهج الاول > > باقي مضيع بكره عليه اختبار < < مو المنهج اقصد الموضوع الاول خخخ


    ======================================================================================================

    ندخل على الموضوع الثاني ^^
    ايييييييه برنامج TuneWiki صراحه برنامج حلوووو للي يسمعو اغاني اجنبيه
    هذا البرنامج مصنف من افضل 10 برامج للآيفون و الآيبود
    طيب وش وظيفته ؟

    زي ما قلت هذا حلو للي يسمع اجنبي .. طيب فكرته حلوه و بسيطه و هي انك يوم تبي تسمع غنيه و تحب تردد مع المغني بس متكسل تجيب كلمات الاغاني > > باي ذا واي من هنا انا اجيب الكلمات
    http://www.mp3lyrics.org/< < ... اكمل احم احم ... و زي ما قلت ما تبي تجيب الكلمات و تفتح الآيتونز و تسوي كوبي بيست و من كذا
    ما عليك االا انك تفتح ذا البرنامج , و وهو يوديك على الاغاني حقتك .. و تفتح الغنيه الي تبيها ,, و البرنامج من حاله يجيب الكلمات ! و مو بس كذا
    لا ويسويها كمان زي الكريوكي !! ايه .. كل ما يجي مقطع يطلع لك السطر حق ذا المقطع ,, و هذي صورة للبرنامج وهو يطلع الكلمات من الآيبود حقي

    [​IMG]
    طبعا البرنامج موجود بدون سورس ..


    البرنامج الثاني وهو برنامج الـScreenShot
    من اسمه معروفه وش هي وظيفته خخخ بس فيه 4 برامج تقدر من خلالها تسوي سكرين شوت برنامجين منهم ما يشتغلو اللا على الآيفون
    البرامج هي :
    الاول و الي انا استخمه و يشتغل على الآيفون و الآيبود ,, اسمه :
    ScreenShot هذا من سورس روبوتا Robota Softwarehouse رابط السورس : iphone.robota.nl
    اما الاثنين الي بس على الآيفون هم
    ScreenShot Enabler
    و
    Apple ScreenShot Enabler
    ذولي اظن ما يحتاجو سورسات
    ,,

    و البرنامج الاخير هو مو بس حق سكرين شوت .. هو زي ما تقول قائمة تطلع لك البرامج و يضيف لها السكرين شوت
    مدري نسيت اسمه ^^" ما علينا هذي 3 برامج ^^"

    المهم الي يشتغلو على الآيفون ما بتطلع ترا آيقونه على السبرنق بورد
    اما حق الآيبود (( البرنامج الاول )) هذا بتطلع ايقونه تقدر تختار فيها مسار الصوره و صيغتها و اذا تبي تشغل البرنامج و للا لا > > لمن يشتغل
    البرنامج بتلاقي فوق على اليسار طلعت كلمتين Snap و View سناب هذي عشان تصور و فيو حقت تشوف الصور الي صورتها


    البرنامج الثالث الي هو سكتشز ^^
    هذا حق الي يحبو شخمطو كثييير خخخ يعني تقعد تشخمط زي ما تبي
    و كمان فيه خاصية انك تجيب صورة من الالبوم و تشخمط عليها و يوم تخلص شخاميط تروح تحفظها او ترسلها بالايميل او تحذفها خخخ
    يعني تتسلها في ذا البرنامج ... و هذي صوره من احد شخموطاتي خخخ

    [​IMG]
    خلصنا من الموضوع الثاني خخخ
    ===========================================================================================

    ايييييييييه الحين للحركتات الجديده في الآيبود هع هع

    ما عمرك كنت تقرا موضوع من السفاري حق الآيبود و في الموضوع فيه مقطع يوتيوب .. بس يجيك المربع الازرق الغثيث .. عشان السفاري ما فيه فلاش بلاير ؟
    ايه ادري انه غثيث و ليتهم يحطو فلاش بلاير .. بس خلاص جبت لكم الحل هع هع
    شوف معاي
    هو طريقته نفس طريقة الكوبي بيست في موضوعي الاول ,, يعني جافا سكربت
    بووووص معايا يا حلو او يا حلوه خخخ >> طيب ما تقول يا حلوين و خلاص خخخ
    اول شي .. تروح على السفاري في الآيبود و تكتب ذا الموقع
    http://joemaller.com/2008/01/12/itransmogrify

    ادري طويل بس مشي حالك > > ايه تذكرت اسم الحركة ذي Itransmogrify
    المهم .. فتحت الموقع خلاص ؟

    طيب شوف انزل ليييين الجمله ذي
    You can also add iTransmogrify from your iPhone!
    و بتلاقي من كلمةadd لين iphone بالازرق يعني رابط .. يا عيني عليك فاهمني هع هع
    ايه افتحه الرابط
    بتلاقي فيه الشرح كيف تسويه .. ايه انتي الي ما تعرفي انجلش هع هع هع > > ما يقصد احد خخخ
    بشرحه لكم .. يوم ما تفتحو الرابط سووله آد للبوك مارك
    و بعد لمن تسوو آد روحو على البوك مارك حقكم و سوو ادت .. > >ادت للي تو اضفتوه < < اوك
    و امسحو http://joemaller.com/___?

    ايه بس ذا امسحوه و سوو سيف و خلاص
    الحين ارجعو افتحو ذا الرابط من سفاري
    http://joemaller.com/2008/01/12/itransmogrify
    يابو تضحك على مين !! المربعات باقيه موجوده خخ
    >> يا ظالم اصبر شوي
    المهم
    الحين روحو على البوك مارك افتحو الي سويناله ادت > > افتحوه مو تسووله ادت خخخ
    ها شفت هع هع لا تقول ظالم خخخ

    الحين اضغط على الفيديو الاول و شوف خخخخ
    اتمنى تكون الطريقة واضحة و مافيها مشاكل خخخ


    اخيرا نجي للحركة المنتظرة الي جاني عليها اكثر من سؤال من خارج المنتدى طبعا > > و من داخل المنتدى هعات < < خخخ
    كيف تحمل فيديو من سفاري و تتفرج عليه بدون ما تنقل للكمبيوتر !!
    سهله ^^
    شوفو فيه طريقتين و اقترح تسوو الطريقتين طبعا نبدا بالشرح
    اول اول شي .. تسوي البلق ان حق سفاري داون لود > > تلاقي الشرح في موضوعي الاول < <
    طيب و بعدين تنزل برنامج MyMedia السورس حقه ipodtouched.net/repo.xml
    اوكي حملتوه ؟!
    حلو ,, احب انبه على شي قبل ما تسوو داون لود و اكمل شرح .. الاشياء الي رح تقدرو تتفرجو عليها و تحملوها في هذا البرنامج هي :
    مقاطع اليوتيوب الي بالصفحات حقت المواقع
    و مقاطع الصوت و الفيديو .. بس مو اي مقاطع صوت و فيديو ! لا بس الصيغ المسموح فيها
    و الي هي اظن mp3 , mp4, mov و يمكن فيه كمان صيغة بس هذا الي اذكره
    يعني لا حد يحملي ملف AVI و يقولي ليه ما يشتغل !! خخخ
    اوك نبدا
    الحين روح على موقع فيه مقطع صوت .. > هذا رابط مقطع صوت للي ما لقى في الوقت الحالي و يبي يجرب <
    www.sametal.org/alhajjajshow/episode3.mp3
    اوك .. الحين يوم تفتحه .. بفتح لك الكوك تايم و بيشغل لك المقطع .. بس انت تبي تحمله .. ما عليك
    الحين روح على MyMedia > > مو لازم تكمل الاستماع للمقطع اهم شي تكون فتحته < <
    لمن تروح على البرنامج شوف الصوره

    [​IMG]

    هاه شفت ؟ > > لا باقي خخخ
    اوك الحين روح على كلمة داونلود على اليمين تحت
    بتشوف مجلد اسمه MediaCache
    بتلاقي فيه episode3 > > الي فتحناه من سفاري
    و بتلاقي حجمه المهم اضغط عليه
    بتلاقي كلمتين داون لود و بلاي .. طبعا واضح .. داونلود عشان التحميل و بلاي عشان تسمعه
    اوك .. الحين سوي داونلود ..يوم يخلص روح على الميوز .. و بتلاقيه موجود ^^

    ,,,
    الحين فلنفرض ان المقطع يوم فتحته من سفاري ما اشتغل معاك .. !
    هنا يكون دور السفاري داونلود بلق ان ^^
    بتلاقي كلمتين دوانلود و تشنج فايل نيم .. انت سوي داون لود ,, يوم يخلص
    وتروح على مايميديا و تروح على الميوزك ما بتلاقيه !!
    طيب وين الاقيه ؟
    اقول لك
    افتح البرنامج
    و لا تروح لا على داونلود و لا ميوزك .. بتلاقي فوق على اليسار SetUp ايه عليك نور .. افتحه
    بتلاقي خيارين .. MyMedia و INetServices ايه افتح الثانيه .. و بتلاقي تحتها سطرين
    واحد فيه اون و اوف و الثاني فيه الرابط .. طبعا الرابط بيكون ستاندرد /var/root/download و هذا المطلوب .. لو كان غير كذا اجل عدله
    الحين لا تحط باك .. لا افتح ميوزك > >يعني بتلاقي آي نت سيرفسز .. باقي زرقة و بتلاقي تحت ميوزك .. اضغط على ميوزك .. و بتلاقي المقطع
    ^^
    خلاااااااااااااااااااااص ^^

    ======================================================================================
    > > برب تعبت ^^"
    < < باااااك ^^
    > ولكم لي < خخخخخخ


    الحين خلااااااااص آآآآخر شي و هو شرح طريقة اضافة ثيمات في برنامج الآيفون بي سي سووت
    البرنامج موجود الرابط حقه في موضوعي الي فات > > رابط الموضوع فووووق < <
    اوووك
    بعد لمن تخلص من تحميل البرنامج .. لا تفك الضغط عنه .. نو نو ,, افتحه وهو مضغووط
    الآن لمن تفتحه بيقول لك البرنامج انه لقى الآيبود حقك و في عندك حالتين اما انك ما سويت الجيل بريك و بيطلب منك تسويه
    و الحاله الثانيه انك سويته .. و لازم تسوي الي مطلوب منك و المطلوب هو :
    روح على الانستولر .. و افتح السورسز و سوي آد لهذا السورس ..
    i.unlock.no
    اوك .. و بعدين روح على الانستول و بتلاقي مجلد اسمه اونلكنق تولز ,, بتلاقي ابليكيشن اسمه ZiPhone Ibricker Fix
    حمله وسوي ريستارت للآيبود
    و بعدين ارجع شغل برنامج الآيفون بي سي سووت ,,
    الحين بيقول لك مدري وشو المهم سوي الي يبيه لييين يخلص كااامل .. > >بيطلب منك تسوي ريستارت كم مره ما عليك اصبر عليه خخخ
    يوم يخلص مره مره .. لمن ترجع تفتح البرنامج بيشتغل معاك .. > > و بيطلب منك يسوي ابديت و لازم توافق على الابديت ^^"
    اوووك بووص معايا
    [​IMG]

    اوك البرنامج واضح ما يحتاج .. كثير > >بس كلمة فايل .. هذي عشان تفتح مجلدات الآيبود او الآيفون
    الحين روح على بيرسونال و اضغط على Themes > > لازم تكون منزل برنامج سمر بورد
    [​IMG]

    اظن الحين كل شي صار واضح ^^
    ذي اند ^^

    اتمنى تكونو استفدتو و استمتعتو معي في تقريري البسيط .. و الافكار الي ان شاء الله تكون جديده عليكم
    يارب ماكون ثقلت عليكم بغثاثتي ^^"

    الموضوع حصري لماك اريبيا

    الرجاء من كل واحد وصل لين آخر الموضوع ^^"

    ان يدعيلي دنيا و آخره
    و لأهلي بالصحة و السلامه

    و من عجبه الموضوع ان يكتب المصدر وهو

    منتديات ماك اريبيا

    و كاتب الموضوع
    Co0o0ol2Rule من منتديات اصدقاء حول العالم

    سي يوووو اذا فيه جزء كمان


    و انتظر اسئلتكم اذا فيه
     

  2. اهليييييين بماي هيرو :aa_kashra:
    اخبارك وش مسوي,,؟؟!

    اولا يعطيك الف عافيه على هالموضوع المميز
    شغل عدل مدل :clapping::aa_clab:




    شباب احد يتصل بالاسعاف
    يوجد لدينا شخص يعاني من انفصام في الشخصيه :aa_lesh::aa_shhh:





    احم :aa_okik:




    طيب مافي سلف :aa_kashra::aa_Doh:


    نجي للبرامج
    الاولي مالي فيه ابد



    تعرف ثقافتي فغانس << فرنسي :aa_blush2:


    اما السكتشز
    ماعليه كلام
    شخبط شخابيط لخبط لخابيط مسك الالوان ,,,,<< اندمجت :aa_haa::aa_kashra:

    .
    .



    كانه في احد ينادي عليي :hmmm:

    .
    .

    باقي البرنامج القميل Itransmogrify الا طلع فيي الشيب واني صغيره :aa_lesh:

    والله جربته كذا مره ماتغير لي اي شي

    مادري الخلل من ايش!!؟!

    اوصل لاخر خطوه ,, ولا في اي نتيجه :aa_moana:

    والباقي بعدين بجربهم :aa_notworking:
     
  3. بتتشوتي عليها خخخخ




    فيه خخخخ هناااك عند ذاك الي ورا الشاشه خخخ




    لا انتي هع> 3 ,, , يعني اي هع اكثر من ثلاث خخ



    اقول شوفي موضوعي الاول وشوفي كيف طريقة الكوبي بيست هذا زيه خخ

    سي يو ..
     
  4. العفو أخوي Co0o0ol2Rule

    وهذا واجبنا..

    وبالعكس..

    انا اللي لازم اشكرك كل الشكر علمتنا الكثير من شروحاتك الرائعه والقيمه..

    وبالنسبه لــ Itransmogrify

    وينك يا ريال من زمان.. كنت قاعد ادورك.. لوووووول

    يعطيك ربي العافيه.. وربي إنك كلمة مبدع قليله في حقك..

    ما شاء الله عليك.. كفييت وففيت في شروحاتك المتميزه..

    وتمنياتي لك بالتوفيييق في حياتك الدراسيه..



    وبإنتظار جديد إبداعاتك المتجدده..

    وتحياتي لك..
     
  5. ولك مني التقيييم.. ^_^
     
  6. شكرا اخوي الاحمد على متابعتك لي المستمره و تشجيعك

    > > و شكرا على التقييم D: < <

    بالنسبه ل آي ترانسموقريفاي ,, ما عجبني مره لأنه مخصص لليوتيوب ..

    انا انتظر برنامج الفلاش نفسه ينزل على الآيبود ,, لأن اصلا شركة ادوبي صرحت انها بتنزله > >ان شاااااء الله < <

    و موضوع جاي ^^"

    ان شاء الله اشوف اذا اقدر او لا ^^" > > ما عنده افكار خخخ


    مشكوور على الرد الرااائع
     
  7. up up up :aa_anger:
     
  8. رووووووووووووووووعه ولا احلى ...


    ويعطيك ربي الف عافيه وجعلها الله في ميزان حسناتك ..


    :)
     

  9. مشكوووور على المرور ,,


    و الرد الروعه ^^


    سي يو
     
  10. يعطيك العافية
     
  11. الله يعافيك
     
  12. اشكرك جزيل الشكر على هذا الموضوع و اتمنى ان تاواصل معك عن طريق الإيميل [email protected]
    [email protected]
    :thanku:
     
  13. العفو اخوي عبد الله ..

    و تمت اضافتك ..
     
  14. اخوي كول ,,..

    تسلم يدك على الشرح الاكثر من رائع ,,..

    بس عندي سؤال ,,..

    عن اخر شي ,,..

    شون نسوي اد للسورس ,,..

    ما عرفت شلون ؟؟ ,,..
     
  15. طريقة آد للسورس سهله و هي :

    1- تفتح الانستولر ..
    2- و تروح آخر خيار على اليمين تحت
    3- و بعدها تضغط edit من فوق على اليمين
    4- و مكان كلمة edit بتلاقي صار فيه كلمة add

    و اضغط آد و كله حط الرابط و بعدها اوك و بعدها بتلاقي كلمة done اضغطها و سلامتك
     
  16. تسلم يا كول ,,.


    لو اشكرك من اليوم لين سنه ما اوفيك حقك ,,..


    تسلم يا الغالي ,,..
     
  17. الأخ كول شكريات على الشرح الحلو والممتع والمفيد :aa_okik:
    بصراحة مررررة أستفدت من دا الموضوع واللي قبله:clapping:
    لكن عندي سؤالين
    دحين لو عندي وصلة مايكرفون ممكن استخدم الايبود تتش كـ recorder
    يعني هل في برنامج تسجيل صوت؟؟
    تاني سؤال اختر ثيم من الـ summer bord
    وعملت له install
    كيف أقد أعرضه ع الجهاز يعني كيف أطبقه ع الجهاز

    وجزاك الله خيرا على هيك شرح:clapping:
     
  18. بالنسبه للميكروفون اختي ,, فلا يمكن للأسف ,,

    اما عن السمربورد , فتلاقي البرنامج صار عندك اضغطي على الايقونه و روحي على الثيمات و اختاري
     
  19. مشكـــــور على الموووضوووع وانا ودي احمل بس لو حملت ما اعرف وش اسوي عشان انقلها للأيبود
    انا معي iPod touch ..
    يآليت تسوي شرح :)
     
  20. اختي سماح ايش هو الي تبي تنقليه للآيبود ^^ عشان اعرف اشرحه لك

    و مشكوره على المرور
     

مشاركة هذه الصفحة

جاري تحميل الصفحة...
جاري تحميل الصفحة...